Ohiko galderak

Leintz Bailarako Ekiola irabazi asmorik gabeko kooperatiba bat da eta 1,2 MWko instalazio fotovoltaikoa du Garaiako Teknologia Parkeko lursail batean. Kooperatibako bazkide egiten diren herritarrek instalazio horren jabetzaren zati bat eskuratuko dute, kapital ekarpen baten truke. Partaidetza horrekin beraien etxeetako argindar kontsumoaren %100 estaltzeko adina energia sortuko dute.

Haren kontsumo-puntua Leintz bailarako herriren baten duen edozein herritarrek parte har dezake; hau da, kontsumo-puntua Arrasaten, Aretxabaletan, Eskoriatzan edo Leintz Gatzagan duenak.

Egin beharreko kapital ekarpena ezberdina da bakoitzaren argindar kontsumoaren arabera.
Hona hemen erreferentziazko zifra batzuk:

1.200 kWh kontsumoa urtean = 798 €
1.600 kWh kontsumoa urtean = 1.064 €
2.000 kWh kontsumoa urtean = 1.330 €
2.200 kWh kontsumoa urtean = 1.463 €

Erreferentziazko zifrak aipaturikoak badira ere, egin beharreko kapital ekarpen zehatza jakiteko, bete honako formulario hau.

Instalazio fotovoltaikoak sortzen duen energia sarera isurtzen da, eta bazkideak saretik kontsumitzen du, orain arte bezala. Hori horrela, etxeetan ez da inolako instalaziorik egin behar. Merkaturatzaileak hilero igorriko dizun fakturaren bitartez lotzen dira instalazio fotovoltaikoaren sorkuntza eta zure etxeko kontsumoa.

Sortzen den energiak 45 €/MWh-ko prezioa izango du, instalazio fotovoltaikoa zure uneko kontsumoa estaltzeko nahikoa energia sortzen ari den momentuetan. Prezio hori da Leintz Bailarako Ekiolari energia hori ekoiztea kostatzen zaiona. Instalazio fotovoltaikoa behar duzuna baino energia gehiago ekoizten ari denean, soberakina merkatura saldu eta salmentarengatik konpentsazio bat jasoko duzu. Gutxiago ekoizten ari denean, berriz, falta dena merkatutik erosiko da, argindarrak momentu horretan merkatuan duen prezioan. Hori guztiori Leintz Bailarako Ekiolak kudeatuko du eta informazio guztia merkaturatzaileak bidaliko dizun fakturan azalduko zaizu.

Bai. Ekiluz da Ekiolaren merkaturatzailea datozen bost urteetarako, eta zure kontratua egun duzun merkaturatzailetik Ekiluzera pasa behar duzu.

Bai. Iberdrolak kudeatzen duen argindar banaketa sare orokorrak matxurarik ez duen bitartean etxean argindarra izango duzula bermatuta dago, gaur egun bezala.

1. Bazkideek beraien etxeetan kontsumitzen duten adina argindar ekoiztuko dute, zero kilometrokoa den energia berriztagarriaren bitartez.

2. Bazkide kontsumitzaileek gehiengoa dute Leintz bailarako Ekiolaren Batzar Nagusian eta Kontseilu Errektorean; beraz, kooperatibak etorkizunean izan beharreko ibilbidea erabakiko dute.

3. Bazkideek kontsumitzen duten argindarrak prezio justu eta egonkorragoa izango du.

Bazkideak aukera du edozein momentutan baja emateko. Hasieran egindako inbertsioa itzuliko litzaioke; betiere, Leintz bailarako Ekiolako estatutuek ezartzen duten modu eta epeetan.

Arrasateko Udala, Fagor, Krean, Laboral Kutxa eta Goiena bazkide laguntzaile moduan daude, kooperatibari behar duen guztian laguntzeko funtzioarekin.